വായനാവാരം,ക്ലബ്ബുകളുടെ ഉദ്ഘാടനം

ഗൃഹാതുരമായ ഓർമ്മകളുണർത്തി റഹീം പടന്ന സംവദിച്ചു തുടങ്ങി...ഗവ.യു.പി.സ്കൂൾ പടന്നയുടെ കൊച്ചു ലൈബ്രറിയിൽ നിന്നും തുടങ്ങിയവായനയുടെ പുണ്യ മുഹൂർത്തങ്ങൾ...ഏകാന്തതയുടെ ഉഷ്ണതടങ്ങളിൽ കൂട്ടിനെത്തിയ അക്ഷരപ്പൂക്കൾ...പുസ്തകങ്ങളിൽ മുഖം പൂഴ്ത്തി തങ്ങളുടെ കുട്ടി കെട്ടു പോകുമെന്ന് ഭയന്ന് മുംബെയിലേക്ക് നാടുകടത്തിയ വീട്ടുകാർ...അഭയമൊരുക്കിയ അവിടത്തെ മലയാള സമാജം ലൈബ്രറി...കച്ചവടത്തിന്റെ കണക്കുമായി പൊരുത്തപ്പെടാനാവാതെ വീണ്ടും നാട്ടിലേക്ക്...പിന്നെ പയ്യന്നൂർ മുതൽ നീലേശ്വരം വരെ വായനാലയങ്ങളിൽ നിന്നും വായനാലയങ്ങളിലേക്ക് പടർന്ന ആയുസ്സിന്റെ പുസ്തകാനുഭവങ്ങൾ...
വായനാദിനത്തിൻ്റെയും ക്ളബ്ബു പ്രവർത്തനങ്ങളുടെയും ഉൽഘാടനം നിർവ്വഹിച്ചു കൊണ്ട് പടന്നയിലെ കുരുന്നുകളെ കൗതുകത്തിൻ്റെ മുൾമുനയിൽ നിർത്തി കരുത്തിൻ്റെ ഒരു പുതിയ വർഷം പ്രദാനം ചെയ്തു അദ്ദേഹം...